October 12, 1475

Pope Sixtus IV to Johannes Hinderbach

A = Original: Archivio di Stato di Trento, Archivio Principesco-vescovile, Sezione latina, capsa 69, n. 30, c 1r. Parchment letter in good conditions written by the papal secretary Leonardo Griffi.

B = Copy: Archivio di Stato di Trento, Archivio Principesco-vescovile, Sezione latina, capsa 69, n. 29, cc 1v. Double paper sheet in good conditions copied by an unknown scribe.

Venerabilis frater, salutem et apostolicam benedictionem.

Intelleximus ex litteris venerabilis fratris episcopi Vintimilensis, Fraternitatis Tuae, ac etiam nobilis viri Sigismundi, Austrie ducis circa examinationem obitus et miraculorum, ut dicitur, illius pueri quem nonnulli asserunt iudeos interemisse optimam mentem ac dispositionem, quam merito laudamus.

Nec unquam nobis secus pro fide et devotione utriusque poterit persuaderi, verum exponitur nobis pro parte iudeorum, qui illic adhuc nonnulli pueri et femine, de quorum innocentia nullum dubium esse, dicitur detineantur infirmi, non absque vitae propter infirmitatem huiusmodi periculo carcerati.

Hortamur in Domino Fraternitatem Tuam ut, si carcerati predicti circa eiusdem pueri negocium culpa carent eosdem relaxare et operam suam etiam apud ducem ipsum, si necessarium fuerit, in hoc efficaciter impartirti velit ut pro iustitiae debito relaxentur, cuius nobilitatem non dubitamus promptissimam fore in omnibus quae iustitiae conveniunt et honestati contrariis non obstantibus quibuscunque.

Datum Romae apud Sanctum Petrum sub annulo piscatoris, die XII octobis MCCCCLXXV, pontificatus nostri anno quinto.