December 4, 1475

Antonio Pellegrini to Johannes Hinderbach

B = Copy: Archivio di Stato di Trento, Archivio Principesco-vescovile, Sezione latina, capsa 69, n. 11, cc 2r-2v. Paper installment in good conditions copied by the episcopal secretary Giovanni Verber.

B' = Copy: Archivio di Stato di Trento, Archivio Principesco-vescovile, Sezione latina, capsa 69, n. 11, cc 7v-8v. Paper installment in good conditions copied by the episcopal secretary Giovanni Verber.

B'' = Copy: Archivio di Stato di Trento, Archivio Principesco-vescovile, Sezione latina, capsa 69, n. 69, cc 1r-3v. Paper installment in good conditions copied by the episcopal secretary Giovanni Verber.

Reverendissimo in Christo Patri et Domino, Domino Iohanni, Dei et Apostolicae Sedis gratia episcopo et domino Tridentino dignissimo, Tuae Reverendissime Dominationis servitor Antonius de Pelegrinis legum doctor salutem plurimam dicit, et cetera.

Reverendissime in Christo Pater et Domine Excellentissime. Elaboravi quantum in me fuit, ut Tua Reverendissima Dominatio compos meritis fieret, eo quod promptior eram, quo non solum tibi rem gratam, sed etiam toti orthodoxae fidei honorabilem me facere, animadvertebam | si machinationes impurissimorum hominum qui in beatum Symonem insurgunt detegerentur verum dyabolica ut ex invito tuo percipere opera poteris actum est, ne quod efflagitat tua christianae fidei cultrix et propugnatrix Dominatio efficere possit.

Nam Anzelini dictum, totam per urbem vulgatum, in scriptis redactum apostolico prohibente legato non fuit, tamen summa cum modestia petitum fuit, ut nuntius tuus coram largius referre poterit; neque poteris nostri erat officium, stantibus etiam litteris ducalibus, quas secum legatus deferebat illum examinare in scriptis misellum, licet coram audire et intelligere causam ab ipso noluerit redigi, tamen posset et quamplures examinari, scilicet vel summus pontifex, vel illustrissimum dominum venetum hoc denudaret. | Haec est pretoris nostri sententia, qui veritatis spiritu ductus Tuae Reverendissimae Dominationis multum tribuit, hocque nephandum scelus a iudeis perpetratum fuisse non dubitat, immo tanquam fidei articulum firmum hoc habet.

Quid autem totus hic populus veronensis sentiat re ipsa prae se tulit; puerorum turba quasi suum vendicatura sanguinem, suadente nemine, impellente nemine, hominem contumeliis lapidibus insectata sunt totam per urbem; quos in iudeos conatus fecerit, ni perpauci | cives christianorum bona defensari nos nostro cum periculo capitis opposuissemus, Tuam Reverendissimam Dominationem intellexisse non ambiguo.

Quom legatum ipsum et dominum Antonium de Capitibus Liste Verone ob antiquam amicitiam visitassem habuissemque, de Symone interrogans, has fuisse derisiones, illusiones, nonnullorum humiliationes falsas persequentium iudeos, hac dicere non erubui, poterunt Vestrae Dominationes quaecumque vobis libuerint in vulgus iactare.

Sed omnibus his populis difficilis erit contraria persuasio, hoc ab eis percepi. Credant quicquid omnes velint. Nos autem debitum nostrum absolvemus. Unum, Reverendissime Domine, dixisse velim apertius loquar eloquar profecto, nec dubius loquor.

Si Filius beatae Mariae iterum homo crucifigendus in terram descenderet, difficilior esset resurectionis hoc tempore persuasio, et sancti Thomae vestigia efficatus perspicatiusque imitaremur, quot probationes luce meridiana clariores quot testes, quot miracula, quot subscriptiones tabellionum insinuationes iudicum requirerentur ut nobis.

Bene valeat Tua Reverendissima Dominatio, cui me plurimum commendo.

Ex Verona, die quarto decembris MCCCCLXXV.