September 1, 1475

Pietro da Verona to Johannes Hinderbach

Copy: Archivio di Stato di Trento, Archivio Principesco-vescovile, Sezione latina, capsa 69, n. 11, c 6r. Paper installment in good conditions copied by the episcopal secretary Giovanni Verber.

Colendissimo et Reverendissimo Domino Iohanni Hinderbachio episcopo Tridentino Domino suo observandissimo Eiusdem Dominationis Vestre, inutilis magister Petrus veronensis equidem ac certissime servulus totus.

colendissime et excellentissime mi Domine, Domine precipue et singularissime, commendabilibus incredibilibus singulis antepositis, et cetera. Congratulor mirifice ea tempestate florentissimae ac potentissime Dominationis Vestre Summum Creatorem per beatum Symonem tanta suis incredibilia cristicolis demonstrasse miracula, ut passimcumque devotissime confluentes ad sacrum corpus eius, et Dominatio Vestra et urbs Tridentina ad astra, Numine Divino tollantur.

Ego servulus perpetuus Dominationis Vestre sim unus ex eis confluentibus, intellexi humanissimam ac omnium mihi colendissimam Dominationis Vestre cupere et iussisse priori nostro reverendo pro me mitteret huic agende disputationi interessem, quod mihi nil dulcius, nil iocundius afferre posset, si sic est condecorare et sanctum percelebrare et Dominationem Vestram passim supplico minimam mihi mutat litterule, facilius licentiam consequar, et de repente evolabo. Nepotem hunc meum quem alias commendavi Dominationi Vestre iterum arbitratui Dominationis Vestre dedo. Deus tueatur feliciter atque conservet Dominationem Vestram. Valeat quam dum celum stellas, dum vehit omnis aquas raptissime καὶ ἐπὶ χούμασην super genibus.

Veronae, prima septembris.