September 5, 1475

Mussolino to Johannes Hinderbach

Copy: Archivio di Stato di Trento, Archivio Principesco-vescovile, Sezione latina, capsa 69, n. 11, cc 6r-6v. Paper installment in good conditions copied by the episcopal secretary Giovanni Verber.

Reverendissimo et Illustrissimo Principi Domino Iohanni Hynderbach, Dei gratia episcopo Tridentino, domino observandissimo, Eiusdem Reverendissime et Illustrissime Dominationis servitor fidelissimus presbyter Mussolinus doctor, sanctissimi domini nostri pape cubicularius.

Reverendissime et Illustrissime Princeps Domine mi observandissime humili commendatione previa. Ut | Reverendissima Paternitas Vestra intelligat quid inclitus senatus noster Venetus de istis atrocissimis iudeis sentiat, mitto per presentium exhibitorem, prefati senatus caballarium, copiam litterarum, que ad singulos rectores urbium suarum diriguntur. Non dubito Reverendissimam Dominationem Vestram intelligere vicio dampnandos non fore, qui presertim que nequaquam vident et apta videri facile haud credunt.

Audivimus insuper reverendus pater dominus episcopus Vigintimilensis istuc venisse. Placebit admodum ultraquam dici possit, ut per vestras quo spiritu, quo titulo, quo iure, quare facultate istuc accesserit intelligam. Gravissimum ac molestum magnificis nostris hic rectoribus fuit quod huc venerit, hincque recesserit insalutato hospite, iudeis tribus precedentibus. Expectamus omnes per prefatum caballarium istud a Reverendissima Paternitate Vestra intelligere, ut istos atrocissimos canes, qui ob adventum istius domini episcopi caput extulerunt, erubescere faciamus – precor facite.

Ceterum et licet Reverendissimam Paternitatem Vestram hoc scire non dubitem, tamen quia illam veneror et observo copiam cuiusdem textus contra istos canes ex Speculo Historiali extractum mitto, quam et illum virum doctissimum magistrum Iohannem Mathiam medicum videre cupio.

Nil aliud in optatis semper habeo posse, Reverendissime Paternitati Vestrae obsequi ac gratum quidpiam efficere, et cetera.

Vincentie, in episcopatu. Quinta septembris MCCCCLXXV.