December 30, 1476

Wilhelm Rottaler and Approvino degli Approvini to Johannes Hinderbach

Original: Archivio di Stato di Trento, Archivio Principesco-vescovile, Sezione latina, capsa 69, n. 107, c 1r. Paper sheet in good conditions with a few ink stains and remains of sealing wax written by Wilhelm Rottaler.

Reverendissime in Christo Pater et Domine gratiosissime, post mei humilem commendationem, et cetera.

Applicuimus tandem, Deo concedente, Urbem romanam in die Innocentium nec citius applicare potuimus propter viarum discrimina que, Deo teste, adeo aspere fuerunt, ut vix etas nostra similia memit et diutius in via stetissemus nisi habuissemus homines conducticios, quia nobis vias novas, licet prolixas et circumeuntes monstrassent; utrumque sit, Deo laus.

Omnesque in donum omen vertunt, asserentes nos pro causa innocentis martiris in die Innocentium martirum Urbem applicuisse, illicoque scrutinium habuimus apud advocatum et dominum Bartholomeum de Massa, ex quorum relacionem decidimus nichil [........] interim per iudeas quemadmodum ac bolettino ipsius advocati Vestre Reverendissime Paternitatis intelliget, sed potius ipsi iudei stant attenti si ulterius Vestra Reverendissima Paternitas dictam causam sollicitare mandavit, valdeque perterriti fuerunt de adventu nostro, neque in via nos senserunt et hoc evenit quia quamplurimum extra stratam publicam ambulavimus nec aliquid certi de nobis habere valuerunt.

Dixit nobis dominus Bartholomeus ex parte domini Sancti Marci quod pro die crastina ultra cras quieti sumus et preparemus facta nostra nec accellerandum est, quia in istis festivitatibus nichil fiet et nos interim opera<bimus> ac dabimus in preparatione litterarum et superscriptionem earundem ac ad aptionem [......] inventorum, et cetera.

Heri noctium invitati fuimus per dominum prepositum Casparem de Theramo, habuitque secum aliquos curiales pariformiter invitatos ad cenam et inerloquendum inciderat sermo de iudeis et eorum fautoribus, qui in veritate plures et potentissimi existunt et ipsi iudei pecunias multas exponunt et qui illi sunt Paternitatis Vestre Reverendissime cum tempore scribemus.

Speramus tamen quod Deus et ipse innocens martyr, cuius causa agitur, nos adiuvabunt.

Hensellinus Eselpheiffer mortu<u>s est, et comes Ieronimus protector ille adversariorum post [......], ut dicitur, ter arripiet Mediolanum versus nuptias celebra<ndas>, de cuius absentia non dolebimus.

Summus pontifex podrige operam dat. Magnaque turbatio Curie fuit et practica pro cardinalibus creandis et creati sunt quindue, scilicet affinis unus regis Portugalie, prothonotarius de Fuxo, archiepiscopo de Leono, Tyrasonensis et illi de Mellinis Orbitensis, et cetera. Dominus Hesler remansit in calamo; dominus Thomas de Cilia expectat.

Hic in dies sumus hospitati cum Iuletto qui fuit hospes ad Angelum et habet nunc aliam domum. Sunt nobiscum hospitati oratores Palatini et Treverenses et alii quamplures valentissimi viri. Cetera cum tempore scribemus.

Valeat Reverendissima Paternitas Vestra, cui nos plurimum humiliter ac devote commendamus.

Ex Urbe, penultimum decembris anno, et cetera, LXXVII.

Per Vestre Reverendissime Paternitatis Humiles ac devotos servitores Wilhelmum Rottaler et Approbinum de Approbinis.