November 27, 1477

Alexius of Wilten to Johannes Hinderbach

Original: Archivio di Stato di Trento, Archivio Principesco-vescovile, Sezione latina, capsa 69, n. 105, c 1r. Paper sheet in good conditions with sealing wax seal.

Post devotas orationes et supplicem sui recommedacionem.

Reverende Pater, mittere volui presentibus Reverendissime Paternitati Vestre attestationem datam testium in causa innocentis beati Symonis que iuxta commissionem alias dudum mihi traditam expedivi. Verum, in ea re Reverentiam Vestram celerius complacuissem, sed, quia nec testes ipsos neque nostros ad hoc aptos usque habere potui et hiis obstantibus non mea sed aliorum culpa distuli.

Quare Reverendissima Paternitas Vestra personam meam, que paratissimum gerit erga Paternitatem Vestram, in complacendo semper habeam excusatam pro tanto habere velit.

Pro tabellione duos exposui ducatos tabellarium presentium Reverendissime Paternitatis Vestre commendationem facio, occupationes proprias parvi facio cum Reverendissima Paternitas Vestra paratus in maioribus me recolo.

Ex Urbe, XXVII mensis novembris anno Domini Nostri LXXVII.

Reverendissime Paternitatis Vestre humilis Allexius abbas monasterii Wiltensis.