February 19, 1477

Wilhelm Rottaler to Johannes Hinderbach

Original: Archivio di Stato di Trento, Archivio Principesco-vescovile, Sezione latina, capsa 69, n. 86, c 1r. Paper sheet in good conditions autograph of Wilhelm Rottaler with sealing wax seal.

Reverendissime in Cristo Pater et Domine Domine gratiosissime, post mei humilem commendationem.

Hodie tenta est capella papalis et oratores regis Francie affuerunt et oratores hyspanorum domi remanserunt et filius domini Angeli de Castro sermonem de more habuit inter alia super illud evangelii persuadendo «Thesaurisate», et cetera, exhortando pontificem de non thesaurisando, quod multis risum movit, asserendo monitionem ilam superfluam fore, existente inesse comite Ieronimo, qui nullomodo dimitteret papam thesaurizare.

In causa nostra iterum aggrediem laborem inceptum et sollicitabamus et post diem veneris in proximo consistorio irem, Deo dante, presentabuntur sanctissimo domino nostro ac collegio cardinalium. Ceterum, Reverendissime Pater, scripsi alias pro domino auditore camere novello, qui adhuc se gerit pro advocato nostro et magnam assistentiam nobis facit – Deus sit retributor. Non enim eidem satisfacere possumus de laboribus respectu iudeorum qui habundantur, tribuunt qui alia interloquendum aliquid exspolio de rebus et de nodiis iudeorum non ex ambitione sed perpetuo memoriali tenendo petiit, cui petitioni michi videtur Paternitatem Vestram Reverendissimam non contra eundem fore, sed potius satisfacere, quemadmodum eidem non tamen assertive bonam spem polliciti sumus, et hoc ideo quia pro consiliis nobis usque modo factis si alia causa esset et non ita pia ac christiana meruisset magnam pecuniam quam adversarii nostri libenter eidem dedissent.

Quantum ceterum Reverendissima Paternitas hoc consideret etiam semper habebit in eo bonam et optimum promotorem qui pro magno viro habetur in Curia, non solum apud reverendissimos dominos cardinales, sed apud sanctissimum dominum nostrum.

Alia non occorrunt pro presenti, sed postquam habuero aliquem fidum aliqua secreta scribam que hic aguntur.

Valeat Reverendissima Paternitas Vestra, cui me plurimum humiliter ac devote recommitto.

Ex Urbe in die Cineris, anno, et cetera, LXXVII.

Reverendissime Paternitatis Vestre humilis ac devotus servitor Wilhemus Rottaler.

Post scriptum

Reverendissima Paternitas Vestra parcat de mala littera ac stilo rudi, quia semper horis incongenis et cum festinatione scribere habeo.

Cedula

Reverendissime Pater, scribo cum presentibus Veronam Baptista de Mandulis ut dictas pecunias respondeat Magnano Constantze qui nobis servivit et serviet etiam in futurum ultra litteras cambii, si opus esset.

Quanto Reverendissima Paternitas Vestra pari formetur, illi mandet et scribere faciat.