April 13, 1478

An unknown sender to Johannes Hinderbach

Original: Archivio di Stato di Trento, Archivio Principesco-vescovile, Sezione latina, capsa 69, n. 61a, c 1r. Paper sheet in good conditions with sealing wax seal.

Vidi ea que in causa beati Symonis innocentis tridentini impressa sunt et placent valde et nunc erit bona addicio, ymo unum capitulum speciale dictis impressis ea que sunt per ebreos patavienses inhumaniter in Corpus Dominicum acta sunt, et cetera. N[ova] non sunt, nisi quod pro nuptiis nepotis domini nostri sanctissimi cui dux Urbinatensis desponsavit filiam suam, per reverendissimum dominum cardinalem sancti Petri ad Vincula, dicti nepotis germanum, aput  XII Appostolos parantur pro hastiludiis, coreis et conviviis. Mirabilia que calamo non possunt comprehendi. Sed postquam celebrate et consummate sunt, tunc possunt describi. Credo quod erunt maiores quam Assuerii, et cetera.

Denique res Paternitas Vestra quantum dignissimi presentium latorem habere recomendatum, ipsumque ad unum statum, et cetera, quemcumque, sive in civitate Tridentina, sive in diocesi, Paternitati Vestre habere promotum fore ex fide pro eo de sua probitate, fidelitate, et quo ad officium [....] legalitate, et cetera.

Spero quod in brevi velim Paternitatem Vestram visitare et cum ea ad mensem quiescere.

Ex Roma, lune XIII aprilis anno, et cetera, LXXVIII.

Vestre Reverendissime Paternitatis humilis servitor V [....].