June 5, 1478

Marquard Preisacher to Johannes Hinderbach

Original: Archivio di Stato di Trento, Archivio Principesco-vescovile, Sezione latina, capsa 69, n. 127, c 1r. Paper sheet in good conditions with sealing wax seal.

Reverendissime Princeps, Domine colendissime, obsequiosa mei recomendatione premissa.

Accedet Dominia et territoria Dominationis Vestre Reverendissime nobilis atque spectabilis iuris utriusque doctor dominus Iohannes de Cervo, nuncius ac orator civitatis Coloniensis, dominus et tamquam frater meus predilectus cui, ut Dominatio Vestra Reverendissima de securitate itineris, si opus fuerit providere benignisque favoribus prosequi dignere obviximus. Rogo paratus ad quecumque servicia Dominationis Vestre Reverendissime.

Equum per Dominationem Vestram Reverendissima michi assignatum sanum atque illesum procuratoribus ac oratoribus Eiusdem Dominationis Vestre Reverendissime presentavi meque ad omnia servicia Dominationis Vestre Reverendissime promptum atque paratissimum obtuli. Prout, Deo dante, in brevi operibus adimplebo, et cetera.

Presentium lator, Dominus Marchardus, clericus Traiectensis  dioecesis, Dominationem Vestram Reverendissima de itinere meo ac singulis aliis mei ex parte presentabit. Non alia in presentiarum. Quam felix valeat Dominatio Vestra Reverendissima, et ad vota.

Ex Urbe, quinta iunii anno domini, et cetera, septuagesimo octavo.

Eiusdem Dominationis Vestre Reverendissime servitor Marquardus Preisacher, miles ac orator imperialis, et cetera.