June 27, 1479

Battista Fregoso to Johannes Hinderbach

Uncertain if original or copy: Archivio di Stato di Trento, Archivio Principesco-vescovile, Sezione latina, capsa 69, n. 139, c 1r. Fragment of a paper sheet in discrete conditions with folding marks.

Baptista de Campofregoso, Dei gratia dux Ianue, Reverendissimo in Christo Patri cordialissimo salutem plurimam dicit, et cetera.

Istis ante diebus iocundissimas litteras et omni melle plenas a Vestra Benignitate accepimus, quibus plenius informati de tanto innocente et ma<r>tire beato Symone tridentino, non possumus non iocundari tum propter miraculorum operatione, tum propter Domini nostri Iehsu Christi Passionis innovationem et militantis Ecclesie eiusque fidelium approbationem.

Cum igitur divinitus moti sumus ad devotionem tanti martiris et innocentis, cuius precibus plurima miracula acceperimus, interque unum grande de vera scientia confidimus comunicare: leprosum et demoniatum toti civitati notum curari, de quo non possum non dirigi et ad Vestram Reverendissimam Paternitatem dirigere nuntium hac litteras, quibus cupimus petere ac accipere reliquias ad confirmandam devotionem nostram et totius populi. Quorum quanta sit devotio apud prenuncupatum martirem et innocentem cogitaretis minime. Quare ingentes feremus gratias Summo Opifici, qui tot ac tanta ea tempestate nobis ostendere dignatus est, que preconizari, narrari, atque seminari omnesque curarere, post odorem unguenti istius preciosi christicole minime denegamus. Quin ymmo sum datorem tanti boni predicatorem fratrem Lucham de Neapoli carmelitam predicare et a predicatione non cessare animavimus.

Devotissime postremo rogantes in augmentum tante rei Vestram Reverendissimam Dominationem, uti per presentium portitorem ad nos transmittat aliquid reliquiarum illius preciosi innocentis ante conspectum Dei, quod summopere [........] tum per maxime toti civitati et per totum adeo territorium, Dei clementia ac gratia, per eundem innocentem misericorditer sit diffusa. Propter quod, ex industria maximus habere presenter, cui a Vestra Reverendissima Paternitate benignitatis motu accipere certi sumus quod oramus atque rogamus quos carmelitas commendastis nobis [......] commendate non negligamus et vobis qui fuerunt origo et fundamentum huiusce reu ad honorem Omnipotentis Dei et Eius filii, Dominus nostri Salvatoris Iesus Christus.

Non plura.

Ianue 1479, 27 iunii.