September 6, 1480

Johannes Hinderbach to all the bishop in the province of Aquileia

Original: Archivio di Stato di Trento, Archivio Principesco-vescovile, Sezione latina, capsa 69, n. 146, c 1r. Paper sheet in decent conditions written by Wilhelm Rottaler, with tearing on the folding marks that make impossible to read the final part of the letter; the letter has a sealing wax seal.

Reverendis in Christo Patribus et Dominis, Dominis Dei et Apostolice Sedis gratia episcopis, seu eorum in spiritualibus vicariis generalibus per provinciam Aquilegiensem et partes Lombardie ac Italie <ubi>libet constitutis quibus presentes nostre littere ostense fuerint, Iohannes, eadem gratia episcopus Tridentinus, salutem <et> fraternam in Domino caritatem.

Ad notitiam nostram pervenit quod nonnulli religiosi ac etiam seculares in civitatibus <e>t dyocesibus vestris circumvenentes de loco ac locum vagentur questuando sub nomine et vocabulo beati Symonis innocentis pueri ac martiris nostri tridentini a iudeis occisi; et, quod deterius est, christifideles ac devotas personas a votis suis Deo et prefato innocenti martiri factis, auctoritate nostra, sicuti nobis relatum est, absolvant et sub pretextu huiusmodi pecunias et alia votivalia utpote oblationes ceram, lanam, linum, et alia quelibet donaria exigentes.

Que re<s> nequaquam de mente aut voluntate nostra processit, neque procedit, quin ymmo contra tales in dyocesi nostra speciales penas et sententias censurarum protulimus atque inhibuimus. Accedit itaque ad illas partes tum presentibus religiosus in Christo dilectus frater Petrus tercie regule sancti Francisci, unus ex custodibus sive superastantibus ad tumbam beati Symonis pro indagandis ac inquirendis huiusmodi vagabundos deceptoribus.

Unde, Paternitates ac Fraternitates Vestras, obnixe rogamus ac sincere requirimus et hortamur quantus dum prefatum frater Petrus, huiusmodi vagabundos et perversos christifidelium deceptores [........................] venerit et Paternitatibus Vestris denunciaverit, eosdem tam in personis quam in rebus taliter questuantis arresta<re>, distringere et punire velitis ac per civitates et dioceses vestras omnibus beneficiatis ac presertim curat<is> presbyteris insinuare et intimare ac eisdem seriosius mandare et precipere ut prefato fratri Petro assistentiam faciant ac tales vagabundos et deceptores in personis et rebus questuatis detineant ac Paternitatibus Vestris repres<en>tent puniendos, invocato ad hoc, si opus fuerit, auxilio brachii secularis, et ipsi etiam fratri Petro auctoritatem ac licentiam per dyoceses vestras concedere et indulgere pias christifidelium elemosinas questuandi ac vota suscipiendi ab hiis qui legittime impediti sunt et eos ab huiusmodi votis, auctoritate vestra et nostra, si opus fuerit, absolvendi. Et dictas oblationes et res questuatas ipsi fratri Petro tum descriptione et inventario bonorum eorumdem consignari mandent in usus fabrice ecclesie Sancti Petri hic in civitate nostra in qua corpusculum eiusdem beati Symonis repositum est et conserva<tum> convertendi.

In eo, Paternitates Vestre, exhibuite nobis complacentiam singularem erga easdem in simili et m<ai>ori contra tales deceptores pariformiter oservandam .

Datum Tridenti in castro nostro Boniconsilii, <di>e sexta mensis septembris anno <Domini> Octoagesimo, nostro su sigillo maiori per eorum cu.