No date

Michele Carcano to Johannes Hinderbach

Copy: Archivio di Stato di Trento, Archivio Principesco-vescovile, Sezione latina, capsa 69, n. 74a, cc 8r-8v. Paper installment in good conditions copied by the episcopal secretary Giovanni Verber.

Reverendissimo in Christo patri ac Domino, Domino suo observandissimo, domino Iohanni Dei et Apostolice Sedis gratia episcopo ac domino Tridentino, et cetera, servus minimius frater Michael de Mediolano, Ordinis Fratrum Minorum, salus Dominationi Tue immortalis.

Reverendissime in Christo Pater, postquam a Dominatione Tua recessi, non quidem absque lachrymis cordis ipsius Dominationis Tue erga me memor humanitatis, Deus scit quomodo minime se mihi quispiam abtulit qui versus partes illas suum dirigeret iter nunc autem offerente se tabellatoris opportunitate in non mediocrem arbitrarer incidere errorem, si ipsa litteruncularum mearum participem non facerem.

Innotescat igitur Dominationi Tue quemadmodum Dei opitulante gratia in presentiarum optime valeo, nec minus quidem de ipsa sentio. Cuius equidem humanitas ac dilecto amplissime erga filium dilectum suum ac servum minimum ostende a memoria nunquam excident in beati Symonis defensando negotium et causam Deus scit quam fideliter egi, ac amplius in posterum agam. Non me latet perfidorum iudeorum rabiem iniquissimam fore et ad conculcandum beati Symonis causam in pecunie thesauris spem suam posuisse. Sed forti extet animo Dominatio Tua quomodo pecunie thesauri prevalere non poterunt, nec ulla mundi potentia ubi omnipotens ac gloriosus Deus vires suas apponet. Ideoque provintiam quam Dominatio Tua tam egregie incepit benigno favore prosequatur, quomodo cito inimici Dei ac immaculate fidei katholice ad nihilum redigentur in brevi enim versus Urbem arrepturus sum iter; et spero cause beati Symonis personaliter interesse determinationi ac omni favore [.....], quibus potero ipsam prosequar quia sic est voluntas Dei ut me etiam interveniente ad felicem portam, ipsa causa deducatur sicut etiam solus | preco aggressus sum.

Valeat igitur in Domino optime Paternitas Tua, cui me instantius commendo.