October 9, 1475

Bertuccio Gabriel to Johannes Hinderbach

Copy: Archivio di Stato di Trento, Archivio Principesco-vescovile, Sezione latina, capsa 69, n. 31, c 1r. Paper sheet in good conditions with a few moisture stains and a red wax seal.

Reverendissime in Christo Pater et Domine mi singularissime.

Eri mi fo aprexentate per el vostro nuncio Vostre dulcissime letere, le qual recevì chon suma reverencia. Intendendo la continencia de esse essere importantissima, eo masima per honore et augumento dela noxtra sancta et aprovata fede; intendendo quel, deliberava far li cativi et pessimi cristiani che se sforzavano voler ocultar et denigrar li oculti secreti del nostro Signore Idio. Io, per quanto mi fo possibile, ago semel cativi non avese muodo laudarse del suo mal far, non possendo io con la persona exercitarme per non ussire ancora de chaxa, per la greve et pericoloxa infirmita de una fievre continua. Quando avuta che ma vennero mexi do in leto, subito deliberai exercitare li mei, et mandai dala magnificentia de misser Bernardo Iustiniano procuratore de san Marcho, el cavalier et savio del conseio, el qual tegno per honorevel padre, et lui mi porta singular amor come carissimo fiolo. Et quello astrinsi li piacesse tuor questo cargo davanti el colegio far dar spagiamento acontra chargoa incorgandolo molto nela confiencia.

Sua magnificentia subito de bonissima voglia tolse questo cargo, et breviter, chome sa el Vostro messo, questa matina fo lete le Vostre lettere, et subito fo chomessa la risposta, et in bona forma come la Vostra Reverendissima Signoria vederà. Io de bona voglia me ho exercitato in questa cauxa, vedendo aver fato cossa sia in honore del nostro Signor Idio, et tanto piui vedendo aver adimpitto li vostri degnissimi ordini et dolcissimi arecordi, et anche aver fato cossa acepta a quel vostro illustrissimo signore, del qual me chiamo vero sempre suo creatura, et apariato avuti li soi comandi.

Se non fazo el debito mio in scriver copioxamente ala Vostra Reverendissima Signoria, prego quella me abi perdono, che solo resto per esser rimaxo debellissimo et fiacho, eo masime dela testa, per questa mia longa malatia, la qual non mi lassa far nulo exercicio.

Una cossa voglio recordare, che abiate a memoria, io esser tuto dela Vostra Signoria parratissimo a tuti li chomandi vostri, ne altro contento son per aver salvo quando sono exercitato dala Vostra Reverendissima Signoria, che tuto cun suma fede serà adimpitto. Et per che so, delibero essere trombeta de questo inocentissimo martire. Suplico Vostra Signoria non li sia grave fare. Io abi uno processo che za altre fiate el Vostro podestà melo promesse, e sovra tuto perché tuor de coxa la in suma reverenzia, suplicho vi piaqui far io abia qualche chosa abia tocha quel beatissimo corpo et qualche depentura come seguì queli maledeti zudei.

Ne altro. Mi racomando tuta mente ala Vostra Reverendissima Signoria, suplichando el nostro Signor Idio quela longa mente chonservi.

Ex Venetiis, die VIIII mensis hotobris MCCCCLXXV.

Bertuci Cabriel tuto de Vostra Signoria se racomanda.