December 6, 1476

Giovanni Pietro to Johannes Hinderbach

Original: Archivio di Stato di Trento, Archivio Principesco-vescovile, Sezione latina, capsa 69, n. 77, c 1r. Paper sheet in good conditions.

Reverendissime ac Magnifice Domine Domine, plurimam humilem ac debita commendationem.

Posteaquam a Reverendissima Vestra Dominatione recedens huc aplicui reverendissimis domino episcopo Paduano et nostro patri generali unacum innocentissimi martyris Symonis reliquiis, litteras Vestre Dominationis Reverendissime retuli utrisque; tam littere quam reliquie pergratissime fuere. Cum his enim cuncta que de beato Symone et audivi et vidi serio devotissime percuntavi; unde actum est ut qui huic Symonis martyrio forte non crediderant meis verbis sibi deditissimi facti sint, precipue reverendissimus pater noster generalis, qui hac mea fide dignam informationem in beati Symonis devotionem motus hanc rem non solum in nostra religione ab omnibus predicatoribus magnifacere curabit, vero etiam aput  pontificis maximi pedes illam in medium aductam pollicitus est. Ego vero Venetiis non solum aput serenissimum principem, sed etiam aput reliquos senatores quid de beato Symone dixerim, fecerim, ut Deum ipsum adduco in testem. Et per totam hanc provinciam mihi creditam, quam Vestram esse ultro offero, illum predicari et in summam haberi reverentiam non cessabo. Quomodo ipsum ob innocentissimum sanguinis effusionem pro Christo cum in coelis beatissimus sit non dubito, prout aput Deum forte propincuum  oratorem et sic pro predicanda veritate morem gerere Vestre optime voluntati que Deus nostrum in beato Symone laudare desiderat.

Demum Reverendissime Vestre Dominatio, me filium vestrum et servum humiliter commendo. Non secus hanc totam meam provinciam, precipue tridentinum conventum et monialium monasticum. Nihil Reverendissima Paternitas et Dominatio nostro reverendo pater generali et mihi gracius facere poterit quam hos fratres et moniales, solita Vestra bonitate, commendatos habere.

Valeat Reverendissima Vestra Dominatio feliciter.

Paduae, sexto die decembris 1476.

Eiusdem Vestre Dominationis humilis servus frater Ioannes Petrus minister provincie Sancti Antonii ex Ordine Minorum.