February 9, 1476

Johannes Hinderbach to Angelo Fasolo

Copy: Archivio di Stato di Trento, Archivio Principesco-vescovile, Sezione latina, capsa 69, n. 111, c 1r. Paper sheet in good conditions copied by an unknown scribe with lots of annotations by Johannes Hinderbach.

Domino Angelo de Fazolis episcopo Feltrensi.

Reverendissime in Christo Pater, Domine et Frater colendissime, post mei commendationem, plurimam salutem.

Recepi optatissimas litteras Vestre Reverendissime Paternitatis, quibus ad me rescribit ac gratificatur de benigna receptione venerabilis domini Bartholomei de Massa auditoris reverendissimi domini patriarche nostri ad possessionem canonicatus ac prebende in Ecclesia nostra ac spondet se scripturam reverendissime paternitati sue super hiis que tunc eidem scripseramus ac desiderabamus tum precipue per commendationem huius nostri beati innocentis martyris, que res nobis supra modum grata et iocunda extitit; habemusque Paternitati Vestre Reverendissime plurimas gratos que tantum erga nos et Ecclesiam nostram amorem ac benevolentiam gerit, atque hanc rem illius gloriosi martiris sue paternitati reverendissime adeo prono ac tam devoto pietate commendandam susceperit.

Legimus enim ac relegimus easdem Vestre Paternitatis litteras, non solum huius nostri novelli martiris commendatorias, sed nostri etiam plurimum consolatorias, non semel quidem sed sepius et plures easdem in presentia quamplurimorum doctorum ac canonicorum civium nostrorum repetivimus que mentem nostram ac morum tanto fervore ac letitia attendebat, ut litteras ipsis non solum describuntur, verum etiam cum illo tunc ad ecclesiam Beati Petri in quo corpusculum istud ploratissimum decumbit per divinorum celebrationum accessimus eas sacratissimo martiri dedicavimus, ac supra eius tumbam et corpusculum offerendas censuerimus pro singulari sua in illum et eius causam devotione ac commendationem quam verbis illis suavissimis atque gravissimis sententiis pietate ac devotione redundantibus ac merito canonizandis in eiusdem suis litteris expressit divinam maiestatem suppliciter per merita huius sancti martiris exorantes ut eidem sua intercessione apud Dominum et Salvatorem nostrum, cuius Passionis exemplum et typum idem martir gloriosus gesserit ac in corpore suo pertulit corporis et anime, sospitatem atque omnem gratiam et beneficentiam quam Vestra Paternitas desiderat et expetit gratiose et clementer impartire, quemadmodum non dubitamus illam pro suis in eundem meritis consequens et sibi in omnibus votis suis.

Hec enim ipsa verba Vestre Paternitatis Revenerendissime in commendationem et laudem huius novelli martiris nostri ad litteram pro memoria ac testimonio sue in eum devotionis, litteris elegantioribus ac conspicuis iuxta tumbam eiusdem innocentis pueruli inscribi et in tabella publice appendi iussimus, quo eiusdem Vestre Paternitatis auctoritas et gravissimum testimonium de omnibus huc accedentibus in propatulo videatur et cognoscatur quemadmodum et de pluribus aliis poetarum elegantissimis carminibus et litteris ex diversis locis in huius gloriosi martiris laudem et commendationem editis ac huc transmissis actum est, quorum aliquam copiam Vestre Paternitati Reverendissime cum presentibus transmittenda duximus et presertim Iohannis Mathie phisici nostri clarensis ac Raphaelis Romei Zovenzonii laureati poete tergestini quamquam plerique alii varia ac non contempnenda poemata ediderunt, que longioribus quidem libellis continentur.

Qui vero Vestra Paternitas me requirit de transmittenda copia processuum contra iudeos, quos profecto libentissime Vestre Paternitati Reverendissime dande comunicavissemus, sed tanta est illorum magnitudo ut vix viginti aut triginta quinternionibus possit comprehendi. Decrevimus tamen horum omnium scribam brevi quodam compendio in unum redigere et Vestre Paternitati ac aliis domini et principibus et amicis nostris transmittere; ex quo, totus rei seriem, principium et finem consequet in cuius legitimationem iam quottidie insudamus annalium illorum copiam, quorum exemplum dudum a Paternitate Vestra quamquam fortasse nimia presumptione aut importunitate petieram, confidentissime duxi commemoranda.

Bene valeat reverendissima Paternitas Vestra, cuius aliquando presentiam nobis utique iocundissimam atque optatissimam quamprimum tempore moderatum afferit cum singulari desiderio prestolamur.

Datum ex arce tridentina Boniconsilii, die IX februarii, anno et cetera LXXVI.