December 27, 1477

Approvino degli Approvini to Johannes Hinderbach

Original: Archivio di Stato di Trento, Archivio Principesco-vescovile, Sezione latina, capsa 69, n. 94b, cc 1r-2r. Single paper sheet in good conditions autograph of Approvino degli Approvini and sealing wax seal.

Reverendissime Pater et Domine mi colendissime, post mei devotam et humilem commendationem premissam, et cetera.

Per alias meas de occurrentibus transactis diebus Reverendissima Dominationem Vestram monitam feci. Paternitas Vestra Reverendissima intelliget qualiter de illis consiliis missis, allegationibus, instrumentis et aliis, statim feci fieri copias et ipsas presentiam ubi opus fuit sperabant nostre columpne clariorem informationem super illis eroribus  in facto recipere. Attamen placet et commendant illos doctores Iohannem Baptistam Morlinum condurre ad certos reverendissimos dominos et ad illas nostras columpnas, quos informavit. Ipsum per dies quatuor retinui.

Die luni erit deputatio una, et in primo concistorio reverendissimus dominus cardinali Montis Regalis intendit relationem facere sine dubio, nisi superveniret aliquo magno impendimento. Continue solicito insto et pulso. Nulla commititur per me neglientia et de hoc sit certa Paternitas Vestra Reverendissima. Credo si hic personaliter interesset facere non posset ultra quod facio consilio, auxilio, solicitudine et opera nichil defficita et bene spero, Deo favente, allegationes domini Ioannis Antonii super processu illis dominis bene placuerunt et satis commendatus fuit.

Reverendissimus dominus cardinalis Sancti Marci, dum in Nativitate in prandio essem cum reverendissima dominatione sua, dixit utinam haberemus aliquod fidedignum documentum de Ratispona valde prodesset. Dominatio sua reverendissima plurimum me exortatur de bona spe cause nostre. Dominus Ioannes Franciscus peroptime paternitatem suam informavit, ipsemet presentavit in die sancti Stephani reverendissimo domino Trasonensi allegationes factas per dominum Pavinum, domini Alexandri et aliorum et causam commendavit paternitati sue. Multum Paternitatem Vestram Reverendissimam debetur sibi bene ageret sibi aliis aliquando scribere non noceret.

Scripsi qualiter cardinalis sancti Angeli, olim castellanus, optabat quod fieret ymago sua in bona forma ad honorem beati Symonis, cui est devotus. Arma sua sunt sicut illa pape, sed auree sunt glandes et arbor; adhuc paternitas sua reverendissima febricitat, offeret continue se mittere secretarium suum ad omnes cardinales pro commendatione cause nostre. Quando tempus erit faciam fieri, sic suus similiter se offeret unam collectam faciam fieri pro sanitate sua. |

Anzelinus est valde dilectus a paternitate sua. Intrat cameram suam quando vult. Ymo custodit hostium. Dicit ubique miranda de illo Vintimilensi Iohanni Baptista; dicet Dominationi Vestre Reverendissime.

Nova hic non occurrunt nisi quod sanctissimus dominus noster in die Nativitatis non celebravit, sed fuit bene in capella. Podrega sanctitatem suam cruciat. Reverendissimus dominus Rotomagensis celebravit. Hensis cum pilleo consignatus fuit oratori marchionis Montisferrati. Nepos comitis Hyeronimi factus est legatus Perusii.

Item, famatur quod quidam archiepiscopus sancti Andree scotensis magnus dominus, qui diu a rege detentus fuit in carceribus et nunc evasit se vocat papam et miranda dicit de moderno papa in quantum quod processus institus est contra ipsum; vocat se papam Clementem. Ymo plus dicitur quod fecisse debeat et cardinales hec tamen sint penes reverendissimam dominationem fertur, quod sit senus fatuus.

Miracula illa cum consilio presentabuntur tempore suo. Marchio Mantuanus et marchionisa ac dominus Fridericus et [.....] sua commisserunt uni canonico mantuano qui Romam petiit ut ex parte ipsorum reverendissimo domino cardinali Mantuano causam beati Symonis commendet [........................] et in aliis viderunt.

Feci fieri quinque picturas similes illi magne beati Symonis nostri, quas voluerunt habere primo dominus cardinalis olim capellanus, Mantuanus, Neapolitanus, sancte Crucis, Patrocensis, de Bellencinis et de Pavinis, et unam presentatam reverendissimo domino Tirasonensi ac reverendissimo domino Sancti Marci. Dominationi Vestre non debet displicere ista expensa; feci ad bonum finem pro devotione augmentanda.

Omnino totam historiam mihi mittat per dominum Guielmum, et alia miracula si non recessit, et si recessit per alium occurrentem. Provideat Paternitas Vestra Reverendissima ut bancharius solutus sit. Impetravi inducas ad huc duorum mensium cum magno labore et etiam dominus Melchior supplicat de peccuniis suis, quia domum erunt.

Mitto Paternitati Vestre Reverendissime computum de expositis per dominus Guilelmum et me cum domino Sambiensi. Tenetur Dominatio Vestra Reverendissima solvere primum Abraee de Verona ducatos 50; per totum mensem ianuarii primo dedit parum, ut videlicet in computo domino Sambiensi pro ducatis 30, idem circa. |

Item pro canis  sex pani nigri necessitate mea in duploide vestitisset caligis. Item mutuavit michi ducatos viginti in peccunia pro rebus necessaris pro causa nostra, equo, et aliis ut Paternitas Vestra Reverendissima dare videre poterit per computum. In ultimum, unum quatrinum non expono et omnia cum consilio domini Melchioris pacto solum teneo unum equum ut minorem faciam expensam. Multa essent facienda et maxime faventibus vobis que non facio nec facere possum, quia non habeo, ita quod restringo me quantum possum. Videbit Paternitas Vestra in computo finale exposui.

Iam mensibus quinque, quibus dominus Guilelmus recessit michi dimissit ducatorum 60; item 20 habui Abraam qualiter ipsos dispensaveram aparet et plus exposui quod posui iste copie faciunt magnas expensas. Minus fieri non potest ut vidit Paternitas Vestra Reverendissima alias; unde supplico Paternitati Vestre Reverendissime quod in termino patri Abree faciat satisfacere de dictis 50, ut creditum servare valeamus, et quod una alia [....................] Reverendissima Dominatio Vestra et providerit in adventu domini Guilelmi me providendis et necessariis.

Dominus Constantinensis, Melchior et allis fautores nostri commendant se Paternitati Vestre Reverendissimi quam dictus conservet in felici statu.

Ex Urbe, in die sancti Ioannis, anno Domini et cetera LXXVII, raptissime.

Eiusdem Reverendissime Dominationis Vestre fidelis servitor Aprovinus.