February 10, 1477

Wilhelm Rottaler to Johannes Hinderbach

Original: Archivio di Stato di Trento, Archivio Principesco-vescovile, Sezione latina, capsa 69, n. 85, c 1r. Paper sheet in good conditions autograph of Wilhelm Rottaler with sealing wax.

Reverendissime in Christo Pater ac Domine, Domine gratiosissime, post mei humilem commendationem, et cetera.

Recepi hodie litteras Reverende Paternitatis Vestre unacum instrumentis de conversione ac confessionibus iudearum et illico post consistorium presentavi litteras reverendissimo domino Sancti Marci, unacum instrumentis et quid videbitur consultum sue reverende paternitatis faciemus ulterius presentando.

Similiter etiam dedi domino Bartholomeo suas cum quo plura tam circa factum decantatus quam aliis rebus locutus sum et tandem propter absentiam domini Arbensis suspendimus usque ad eius adventum, qui infra biduum expectatur et tunc factum agrediemur. Interim tamen dominus Bartholomeus verbum facere intendit domino Sancti Marci iuxta informationem ac avisamenta data per me de statu dicti decanatus ac ecclesie in Randena, et quicquid intellexero quantocius Vestre Reverende Paternitati significabo.

Fuimus pridie in prandio cum domino Lunensi, sed nullam tunc mentionem feci de decanatu; erat etiam invitatus Galiottus Spanolerga bancarius lucensis, qui plurimum se committit Reverende Paternitati Vestre ac nobis retulit qualiter iudei istis diebus fecerunt respondere per mercatores mediolanenses ad Urbem pro iudeis tria milia ducatorum pro argenteriis receptis ad donandum, et cetera. Tamen, Deo dante, spero quod nichil proficient, sed simul, cum thesauris in quibus confidunt et intendunt corrumpere homines, interibunt.

Fuimus hodie cum reverendissimo domino Malefattano, qui plurimum et ultra modum benignum se ostendebat, ostendendo se non solum ob reverentiam Vestre Paternitatis Reverendissime, quam etiam ob amorem ac intuitu fidei christiane se plurimum quemadmodum non diffido fotarum  causam nostram, tamquam christianissimam verum gravis esset et multis respectibus ponderanda; retulit etiam inter cetera qualiter pro parte iudeorum preteritis diebus multe allegationes, et specialiter super aliquibus privilegiis ipsorum olim a summis pontificibus obtentis producte fuissent, super quibus sue reverende paternitati respondebam quod nos non curavimus talia nec Paternitas Vestra Reverendissima nos misisset ad contendendum cum iudeis, sed solum ad ostendendum factum rei ex eorum iudeorum et iudearum confessionibus; sed si quod dubium sua reverenda paternitas haberet circa ea, offeremus nos resoluturos. Et sic, dato osculo, non benigne remisit, et quia modum tempus carnisprivii instat cogimur supersedere et non amplius usque post cinerum sollicitare, et postea importune ac oportune instabimus pro expeditione.

Ceterum, Reverenda Paternitas, de causa mea in malis terminis sto neglectus per sollicitatores meos qui produxerunt testes inutiles et nichil facientes ad factum et michi fecerunt magnas expensas et in facto potissime iuxta linguaium nichil deposuerunt; nichilominus tamen habeo aliquas practicas et in parte michi permissum extitit de supersedendo usque post Pasca, ut interim testes producere possem, quare elaborandum esset per dominum Gregorium ac Verber et alios ut aliquos haberem in ista quadragesima bene informatos, quos producere possem in eventum si commissionem audiam super remissionem ad partes contra illam quam ad reservationem udivimus obtinuit contra priores remissiones meas et que ulterius circa hanc rem contingent quatenus significabo.

Dominus Batholomeus de Massa, bonus et integer vir, multum michi astitit et astat in causa mei ob amorem Reverendissime Paternitas Vestre, cui se plurimum recommittit.

De pecuniis vero per modum Veronam mitendis, opus esset quia priores consumpsimus quemadmodum. Domino Gregorio scripsi. Expecto itaque et nolo nisi magna necessitas incumbat banchum intrare et usque modo aliquas pecunias de propriis exposui. Sic, Paternitas Vestra Reverendissima non dubitet faciam debitum et spero, Deo dante, quod victoriam obtinebimus, de die enim alia sollicitare habemus.

Parcat Reverenda Paternitas Vestra de mala scriptura, quia de nocte et interrupte scribere cogor.

Dominus Thomas | de Cilia, heri habuit audientiam a sanctissimo domino nostro, et hodie ultra horam consuetam protractum fuit consistorum. Oratores venetorum multum sollicitant, super quibus ignoro; tamen fama est propter thurcum, qui dicitur obsidere Belgradum. Varie etiam hic habentur alterationes de vita ac morte Burgundioni et unus ex nobis contrariis propter hoc plurimum tristatur.

Valeat Paternitas Vestra Reverendissima, cui me plurimum humiliter et devote recommitto.

Ex Urbe, XII februarii anno, et cetera, LXXVII.

Reverendissime Paternitatis Vestre humilis ac devotus servus Wilhelmus Rottaler.