June 30, 1477

Costanzo Magnan to Johannes Hinderbach

Original: Archivio di Stato di Trento, Archivio Principesco-vescovile, Sezione latina, capsa 69, n. 100, c 1r. Paper sheet in good conditions, presumably autograph of Costanzo Magnan.

Al nome di Dio ad 30 zugno 1477 in Verona.

Reverendissime Domine, post debitas commendationes, et cetera.

Per questa notificar ala vostra ilustrissima signoria chome per Bartolamio Manino ho regepito una vostra litera in la qual la me avisa la Signoria Vostra che volia scriver a mey filioli. Voliamo respondere ali ambassadori de la Illustrissima Signoria Vostra fin a ducati centocinquanta, se sarano de bisogno, et che Conto de Molven vostro citadin et servidor de Illustrissima Signoria Vostra prometeva de pagar questi dinari imediati che li inbassadori de la Illustrissima Signoria vostra vi scriva averli recepati a Roma. Et de questo notificho ala Signoria Vostra chome zà vinti zorni passadi el vent Conto suprascripto da mi, et si se hobligò de ducati cento a darmeli a hogni mia requesicione quando li ambassador de la Signoria Vostra rescriveranno averli auti a Roma.

Et cossi de questo mi tegno seguro dal dito Conto suprascrito. Notificho ala Signoria Vostra chome ho rezevuto litere da mio fiolo Abraamo chome la sborsado a li vostri ambassadori ducati cinquanta et altretanti ne intendo in bancho a hogni sua requisitione. Zà molti zorni de qualli me serve che la Signoria Vostra me li doveva aver mandadi, sì che per questo prego la Illustrissima Signoria Vostra che abiando rezeuto litere da li vostri ambassadori de aver rezeudo li diti cento ducati comandadi al dito Conto, me li responda qui a Verona.

Et notificho ala Signoria Vostra de tutto quello domandado ne la littera vostra lo faremo, pur che sia messo che se vada del fato de Batista de Mandoli, son satisfato.

Non altro. Per questa me aricomenda ala Signoria Vostra.

Se non scrivesse chome merita la Signoria Vostra, per prego ne me voliati perdonare.

Vostro Chostanzo dito Magnan scripsit.