July 13, 1477

Heinrich of Paderborn to Johannes Hinderbach

Original: Archivio di Stato di Trento, Archivio Principesco-vescovile, Sezione latina, capsa 69, n. 159, c 1r. Paper sheet in good conditions with sealing wax seal.

Illustrissim Princeps. Distantia licet locorum Vestram Dominationem Reverendissimam et me parvolum agnotum segregari scitem et dum sit factum et causa beati Symonis, quam adeo caute, adeo maturate et Vestra Paternitas Reverendissima initiata est, quam adeo iuste mediavit et iuris tramite, Deo volente, fini debito perfecit michi fiduciam toto pungit et propositum cause huius merita per sepe die et crebius nocte, licet coram domino meo reverendissimo insompnis legi, adlegi, veritatem lucem clarius comperi, diligenciam maximam oratoris adesse notavi, attamen de triumpho cause secundum vota ob nonnullos latrancium canum morsus per maxime resputavi.

Deus autem misericors qui tres pueros in camino ignis non desertit et nostrum puerum secundum innocenter occisum non derelinquens et innocentes compatiens tum processu <iu>stissimo tum diligencia oratorum incredibili triumphum triumpho se et cause votum ac Vestre Paternitatis Reverendissime reddidit per immensum, qua ex re Vestra Paternitas Reverendissima eorum Deo meritum apud collegium sacratissimum honorem ac universum orbem laudem et gloriam extat consecuta.

Rogo igitur et iterum rogo me meritis beati Symonis commendare. In suum ac Vestre Paternitatis Reverendissime me servitorem recipere et cum ad vota in sanguine demandare.

Quam Altissimum ad vota dignetur conservare.

Raptissime ex Urbe Verona, XIII Iulii, et cetera, 7.

Vestre Paternitatis Reverendissime servitorem humilem Heinricum de Paderborn decretorum doctorem minimum et reverendissimi domini Tirasonensis cappellanum.