February 1, 1478

Approvino degli Approvini to Johannes Hinderbach

Original: Archivio di Stato di Trento, Archivio Principesco-vescovile, Sezione latina, capsa 69, n. 109, c 1r. Paper sheet in good conditions autograph of Approvino degli Approvini.

Reverendissime Pater et Domine colendissime, devota cum felici commendatione premissa, et cetera.

Per plures meas Paternitatem Vestram Reverendissima monitam feci de causa nostra; in primo concistorio bulla conclusionis facte per sanctissimum dominum nostrum et reverendissimos cardinales in causa nostra publicabitur. Diu publicata fuisset, sed concistorium non fuit in die veneris; post canisprivium erit.

Volunt reverendissimi domini cardinales, de mandato sanctissimi domini, quod hec in publico determinentur, cum magna auctoritate, ne perfidi iudei et eorum fautores dicere possint quod hec per cameram transiverint, et cetera.

Heu heu, Pater Reverendissime! Cum lacrimis maximis notifico Paternitati Vestre Reverendissime qualiter reverendissimus dominus cardinalis sancti Vitalis a medicis iudicatus est evalere non posse. Penes febres collica supervenit. Utinam beatus Symon noster intercessione sua operaretur penes Omnipotentem Deum! Mihi magis gratum foret quam lucrati mille ducatos ut ab ipsa infirmitate liberaretur. Semper boni vocantur et ipse bonitas erat. Semper vocat beatum Symonem nostrum in adiutorium. Fertur si ipse defficiet quod dominus Dominicus eius frater cardinalis erit. Mundus dat quod habet. Nova hic non habemus nisi quod liga facta sit inter sanctissimus dominus noster, dominus Venetus, ducem Mediolani et florentinos. Rex Neapolitanus exclusus est. Filia Scanderbech tradita est in uxore nepoti pape. Provideat Paternitas Vestra providendis ut sciam quid acturus sim. Ex parte mei pro honore Paternitatis Vestre non defficiam us<que> ad mortem, quam Deus ad vota conservet.

Ex Urbe, raptissime die prima februarii 1478.

Presentium lator est tresor  domini Lodovici doctoris Francofordiensis, cui ubi potui favi. Cito venient et forsam  per ipsum copiam bulle dirigam.

Vestre Reverendissime Paternitatis devotus servitor Approvinus de Aprovinis orator, cum victoria.