March 16, 1478

Leonardo Contarini to Johannes Hinderbach

Original: Archivio di Stato di Trento, Archivio Principesco-vescovile, Sezione latina, capsa 69, n. 117, c 1r. Paper sheet autograph of Leonardo Contarini with sealing wax seal.

Reverendissime in Christo Pater et Domine observandissime, post debitas commendationes

Ipsa die dominus Aprovinus, orator Reverendissime Dominationis Vestre, mihi litteras Eiusdem reddidit humanitatis oblectationumque plenas. gratia ago Eidem Dominationi Vestre Reverendissime. Quomodo ea que obligaccionis ac debitis suprascriptis ingratas ducit. Ego enim, siquid aut feci aut facio incauta, bene martiris Simonis ex debito tum christiane religionis tum propter meam in Reverendissimam Dominationem Vestram observantiam fecisse cognosco.

Aprovinum ipse vere digne laudandus est. Quomodo rem hanc ita acurate soliciteque pertractat sue putem etiam cum dormit. Secum de ea loqui; nam nunquam eundem video otiosum, ne de re alia aut loquentem aut cogitantem, neque laboribus parcit, et non dubitet Dominatio Vestra Reverendissima quod si res ita non habuisset, bonum solicitatorem fuisset in manifesto periculo propter iudeorum perfidiam. Laus Deo egi; ad finem optatum deducta est.

Non scripsi antea Dominationi Vestre Reverendissime, sperans in brevi totalem finem significarem, et tunc sit cum oraculari eidem Dominationi Vestre Reverendissime. Non scripsi Chersoni hebreo, ut scribit Dominatio Vestra Reverendissima, sed vichario meo in Roviedo  [......] Laurentio quem finem res habuisset; dixique ut hac ipsi nuntiarent monerentque eundem meo nomine ut iam ab erore rescipiscens unam veritas amplecteretur, neque ulteriorem pro hac causa conclusionem expectaret. Quid responderit nescio, sed eorum procurator, Salomon nomine, his diebus proximis dixit michi ab eodem litteras accepisse, quibus certificare postulabat an ea que scripseram vera forent. Pluries sermonem habui cum nonnullis cardinalibus et cum auditoribus, qui hanc rem examinaverunt. Item cum domino archiepiscopo Practacensi . Omnis uno ore laudant facta per Dominationem Vestram Reverendissimam, seu per procuratorem, et similiter dampnant facta per Vinctimilensem; asserunt que ea nullius esse roboris vel momenti velque alius in suo processu contineri, nisi confessio quedam iactantia ac morositas; ipseque cum secundo petisset audiam et obtinuisset palam erorem suum confessus est culpam que in assesorem recorsit. Iam non est locus fuge. Bulla scripta est, sed quia beatus dominus noster laborem recusat aliaque multa in dies ocurunt non publicatur. Spero quod post facta, Domino concedente, publicabitur cum gloria Dei et beati martiris Simonis et honore Reverende Dominationis Vestre.

Valeat foelix ipsa Reverendissima Dominatio Vestra, quam Altissimus conservare dignetur; et me comissum hanc et siquid opera mea pro ipsa fieri potest mandet. Invenient servum neque infidum neque inhertem.

Rome, die XVI marcii MCCCCLXXVIII.

Eiusdem Reverendissime Dominationis Vestre servulus Leonardus Contarenus doctor et Archipresbyter Lizane.

Cedula

Reverendissime Pater, vestri fautores exortantur quod petatur [.....] examinatio testium super miraculis ad effectum cononizationis scribat Paternitas Vestra quod facturus sum. Magister Silvester ordinis sancti Augustini offeret se reperire duo millia ducatorum. Donec litteras Paternitatis Vestre Reverendissime videro non ero letus. Multi multa loquuntur quotidie. Sum requisitus si a Paternitate Vestra Reverendissima recepi litteras.