June 4, 1478

Approvino degli Approvini to Johannes Hinderbach

Original: Archivio di Stato di Trento, Archivio Principesco-vescovile, Sezione latina, capsa 69, n. 126, c 1r. Paper sheet in good conditions autograph of Approvino degli Approvini with sealing wax seal.

Reverendissime Pater et Domine colendissime, post mei humilem et devotam commendationem premissam, et cetera.

Die prima iunii dominus Malquartus Romam itravit, et mihi equum unum quasi albi coloris consignavit ex parte Reverendissime Dominationi Vestre, sine sela, quem reverendissimo domino sancti Vitalis presentare debeo.

Mihi per dominum Melchiorem et alios consultum est ut sine sela et aliquo indumento honesto, ut decet, presentare non deberem, et ita fieri feci selam cum freno et aliis necessariis. Nundum Paternitati Vestre  assignavi quia fessus, sed die sabati ipsum presentabo.

Tamen visitavi reverendissimam dominationem suam, et notificavi de equo; gratias egit Reverendissime Dominationis Vestre, et se obtulit semper ad vota Paternitatis Vestre. Pro persona sua equus ille non est; utinam fuisse pro persona sua.

In causa nostra novit Deus quam diligentiam adhibeo, sed contra Dei voluntatem et temporum dispositionem non possit, quia aliter comissarius mitti debet. Minime Reverendissima Dominatio sibi persuadeat, et pro firmo habeat quod conclusum est per sanctissimum dominum nostrum et reverendissimos dominos cardinales foret effectum, supervenit ista perturbatio florentinorum que impedit expeditionem nostram in dilatando.

Tamen spero in brevi expedirem et non video diem, quia pestis incepit in palatio. Mortuus est unus palafrenarius pape bregundus  et in urbe taceo. Deus propicius sit nobis et beatus Symon.

Quando equum presentabo, excusationem faciam, ut Paternitas Vestra Reverendissima scribit, et melius quam scivero. Res patavensis nichil obest nobis, et quasi nulla fit mentio hic. Alia sunt peragenda, quam causa patavensis. Reverendissimus dominus Sancti Marci, Mantuani et sancti Vitalis promisserunt cito me facere expedire. Die noctuque solicitabo et instabo. Supplico Dominationi Vestre Reverendissime quod Finotus non molestetur de illis triginta ducatis, quos Reverendissima Dominatio Vestra diu fuit contenta recompensare in illis magistri Ieroldi.

Ad factum banchariorum, propter novitates illas non mutuant nec volunt mutuare. Si pater Abraee vellet Reverendissime Dominationis Vestre servire bonum esse et quod ante recessum meum possem absolvere Reverendissimam Dominationem Vestram ab bancho.

Alia non occurunt, nisi quod in magno periculo stamus propter pestem. Deum et beatum Symonem et sanctum Sebastianum pro nobis dignemini facere orare, ita pro Reverendissima Dominatione Vestra oro et orabo, cui me devote commendo.

Ex Urbe raptim, quarta iunii 1478.

Mitto copiam bulle sancti Spiritus [.....] mandatum, si [....] intrabit etiam Reverendissima Dominatio Vestra in illa confraternitate.

Reverendissime Dominationis Vestre fidelis et devotus servulus Aprovinus orator.