June 22, 1480

JacopoZeno to Johannes Hinderbach

Original: Archivio di Stato di Trento, Archivio Principesco-vescovile, Sezione latina, capsa 69, n. 142, c 1r. Paper sheet in good conditions.

Reverendissime in Christo Pater, Domine mi colendissime.

Conveni iuxta requistionem Reverendissime Dominationis Vestre diebus superioribus mihi factam per suas litteras. Significo ac fidem facio eidem Dominationis Vestre qualiter commissa per me examinatione testium hic facienda super miraculis istius gloriosi beati Simonis venerabilis et preclaro viriusque viris doctori domino Nicolao de Ponte, per ipsum dominum Nicolaum fuerunt omni cum diligentia assumpti et sub debito vinculo iuramenti examinati complures testes super huiusmodi miraculis eiusdem beati Simonis, et eorum dicta atque attestationes diligenter ac fideliter in scriptis redacta per Bartholameum Lupum notarium curiae nostrae episcopalis, legalem et autenticum notarium.

Quarum attestationum copiam transmitto Reverendissime Dominationi Vestre alligatam sub his meis litteris et sigillo. Si quid aliud est gratum Dominationis Vestre quod a me fieri possit iubeat. Dominatio Vestra ut pro suo in me iure amplissimo potest.

Que bene valeat et cui me iterum commendo et traddo .

Paduae, die XXII iunii 1480.

Eiusdem Reverendissime Dominationis servitor et filius Iacobus Zenus episcopus Paduanus.