May 12, 1481

Angelo Fasolo and Pietro Bruto to Sixtus IV

Authentic copy: Archivio di Stato di Trento, Archivio Principesco-vescovile, Sezione latina, capsa 69, n. 152, c 1r. Copy of the original report of the two bishops to pope Sixtus IV on a paper sheet in badly preserved; there are mold stains and in places the in inks faded and legible only using Wood's lamp.

Sanctissime ac Beatissime Pater, post humillima vestrorum pedum oscula.

Ex commissione Sanctitatis Vestre nos Tridentum contulimus ad formandum processum super miraculis emannatis Omnipotentis Dei gratia ex meritis infantis Symonis Tridentini a iudeis inhumaniter occisi ac fama ipsorum miraculorum et concursu fidelium confluentium ad ecclesiam in qua corpus dicti infantis reconditum est, processumque ipsum omni post habita affectione puram et nudam veritatem sperantes, solum Deum pre oculis habentes [.....] formavimus.

Examinavimus quoque testes debito iuramento, separatim ex secreto pro conscientiis nostris et dicta ipsorum testium manu notarii publici et autentici in scriptis redigi fecimus, totumque ipsum processum in publicam formam clausum et sigillis nostris signatum Sanctitati Vestre mittamus.

Eidem declarant quod in processu ipso non fecimus omnia que de infante ipso comperimus notare. Si enim omnia conscribi fecissemus, maximus profecto hominis fuisset processus, et tantus ut in legendo tedio esset. Illa tantum que nobis visa sunt et digna et ardua notam fecimus. Insuper, ut debito conscientiarum nostrarum faciamus satis significamus eidem Sanctitati Vestre quod tempore quo hic stetimus ad processum ipsum formandum vidimus multitudinem fidelium quotidie ex diversis civitatibus terris regionibus et locis confluere ad visitandum ipsius infantis corpus. Inveniemus quoque in ecclesia in qua est corpus ipsum appositas esse multas et fore infinitas una [.....] argenteas et certas et alia huiusmodi que in processu apponi non fecimus cum super hiis nullam a Sanctitate Vestra habuerimus commissionem, et incessimus eas a fidelibus ex votis et devotione appositas fuisse oblatas.

Reliquum est ut nos pedibus Sanctitatis Vestre divotissime commendemus.

Tridenti, XII maii.

Eiusdem Sanctitatis Vestre humillimi servuli, Angelus episcopus Feltrinus, Petrus episcopus Catarensis.