No date

The Pinciroli brothers to Johannes Hinderbach

Original: Archivio di Stato di Trento, Archivio Principesco-vescovile, Sezione latina, capsa 69, n. 140d, c 1r. Paper sheet in good conditions.

Reverendissime atque gratiosissime Domine ac Princeps Clementissime.

Reducitur ad memoriam Vestre Reverendissime Dominationi summa fides atque maxima devotio quam erga prelibatam atque honorem et cultum gloriosissimi Symonis nostri tridentini gessit magister Iohannes Pinchiarolus auris faber et tridentinus, necnon magister Ambrosius et magister Franciscus et ceteri eiusdem filii, quorum studium semper fuit ut predictum sanctum innocentem vigilarent ac illum excolerent, attollerent, predicarent et de operibus argenteis manuum suarum æternæ posteritati et glorie consecrarent. Qui adeo inter ceteros eiusdem artis professores fideles visti aque diligentes fuere, ut tanta aliorum culpa de ipsis nulla suspicio, nullumque malum verbum audiatur.

Quocirca, cum adhuc fide et spe non minus ferveat erga Reverendissimam Dominationem Vestram omnis sit fideles servi atque dicata mancipia quam unquam alias arserint atque in laudem, gloriam, famam atque devotionem beati Symonis augendam, illustrandam atque protegendam, zelo suæ fidei, mirabili amore detineantur, supplicant Reverendissime Dominationi Vestre ex speciali gratia concedi, ut ante locum suum consuetum iuxta fores Sancti Petri vel immediate iuxta viam, immo super ipsa via immediate publica possint argentea donaria ad vendendum exponere.

Quæ res, etsi aliis non sit concessa vel supplicata, orant, supplicant, atque deprecantur quod summa erga Illustrissimam Dominationem Vestram atque beatum Symonem observantia, amore atque devotione hanc gratiam sibi donari futurum, ut nec Prelibatæ Dominationi Vestre nec beato Symoni unquam existant ingrati. Expectamus ab eadem gratiosum responsum, cuius pedibus sese humiliter commendant.

Eiusdem Reverendissime Dominationis Vestre servitores magistri Ambrosius, Franciscus, Gabriel, Petrus Martinus et Johannes Jacobus fratres de Pincirolis.